توزيع المصروفات على المشاريع وتحديد الربح. طبعا نشاط المقاولات زى ما عارفين بيستمر لعده سنوات.
توزيع المصروفات على المشاريع وتحديد الربح.
محتويات كورس محاسبة المقاولات المجانى :
طبعا نشاط المقاولات زى ما عارفين بيستمر لعده سنوات.بناخد المقاوله 2006 و ممكن تقعد 3 او 4 سنين .
بس انا بعمل ميزانيه وقائمه دخل واقفل اخر السنه .. والمشروع لسه شغال .. اعمل ايه ؟؟ عاوز اعرف ربح المشروع ده لوحده و ربح الشركه ككل ...عادى جدا.
بوزع المصروفات العموميه على كل المشورعات اللى عندى بنسب توزيع .
طبعا هيقولى مين نسب توزيع دى ؟؟
اقولوكو يعنى كل مشروع بوزع عليه جزء او نصيبه من المصروفات العموميه وده بعده طرق هنقول منها شويه دلوقتى .
بس اول تعالى نناقش كده المثال ده
فى 2006 كانت المصروفات العموميه 850 الف وعندى 4 مشاريع بيانتهم كالتالى :-
طيب تعالى كده نشوف ازاى هنوزع المصروفات العموميه اللى عندى على المشاريع دى ؟؟
• طريقه التوزيع بقيمه المشروع ( نسبه المشروع ) : يعنى نسبة كل مشروع لباقى المشروعات
• طريقه المواد المنصرفه يعنى برضو نسبه المواد للمشروع بالنسبه لاجمالى المواد للكل
• طريقه الاجور المباشره – برضو اجور المشروع بالنسبه لاجمالى الاجور
• طريقه اجمالى التكاليف – يعنى اجمالى تكاليف كل مشروع بالنسبه لكل المشروعات
• طريقه اجمالى القيمه المضافه . يعنى المشروع اضاف قيمه ( ايراد ) اد ايه للشركه ؟؟
احنا هناخد 3 طرق هنا وانت كمل الباقى بنفس الاسلوب.
الايراد والتكاليف.
تعالى بقا نوزع م عموميه دى ( 850 الف ) على المشروعات بال3 طرق دول ونشوف
ملاحظات على الطرق والحل هــــــــــــامه جـدا :
• طبعا عارفين انى بطلع اى نسبه بقسمه البند على الاجمالى لنفس البد .. بمعنى. مثلا :
نسبه ايراد مشروع ( أ ) = صفر ÷ 7120000 = صفر
نسبه ايراد مشروع (ب ) = 1000000 ÷ 7120000 = 14%
نسبه اجور مشروع ( د ) = 240000 ÷ 1680000 = 14%
نسبه اجور مشروع ( ج ) = 1050000 ÷ 1680000 = 63%
نسبه اجمالى ت مشروع ( ب ) = 1380000 ÷ 6565000 = 60%
نسبه اجمالى ت مشروع ( د ) = 1145000 ÷ 6565000 = 17.5%
• اول حاجه بنظره صغيره كده هنعرف ان كل مشروع ابتدى امتى و نظامه ايه و شغله اد ايه . يعنى المشروع الاول لسه واخدينه و مشتغلناش فيه تقريبا يعنى و مالوش ايراد اصلا.
• المشروع ( ب ) الاكبر قيمه بينما المشروع ( ج ) هو الاكتر مصروف وايراد .. يعنى نفهم من كده ان اكتر التركيز كان على المشروع ( ج ) وده لان تاريخ انتهاءه كان فى اخر العام الحالى يبقى احنا عاوزين نقفل المشروع ده علشان نخلص ومناخدش غرامات وخلافه.
• المشروع ب رسى علينا السنادى وده مشروع كبير علشان كده دخلنا فيه جامد من الاول علشان الوقت ميسرقناش ونلبس فى مشاكل.
• طبعا لاننا مشغولين اوى بالمشروع اللى هنسلمه ( ج ) و المشورع الكبير المهم ( ب ) نفضنا مبدئيا لمشروع ( أ ) لانه صغير ومفيش مشكل و عادى جدا.
• المشروع ( د ) شغالين فيه بس صارف و جايب ايراد بمتوسط 15 % والمفروض انه فاضل ليه 6 شهور بس و المفروض ان دى تالت سنه انتهت يعنى المفروض انى بقفل فيه ... يبق فى حل من الاتى :
- يا اما انا اشتغلت فيه كتير السنتين اللى فاتو ( لان مكنش عندى مشاريع غير ( ب ) بس و كده يبقى انا شغال كويس نظريا و هيتسلم فى موعده ,,
- او انى منفضله وكده هلبس فى غرامات و خلافه
- او انى اخدت تمديد للمشروع و بكده لازم اغير ت النهايه الى التاريخ الجديد.
• لواستعملنا طريقه قيمه المشروع دى هنلاجظ ان المشروع المشروع ب لازم ياخد اكبر قدر من المصروفات العموميه حيث ان قيمه 20 مليون وده تقريبا اد باقى القيم ... يعنى ياخد نصف المصاريف تقريبا ..-- .. بس ده مش عدل لانه مشتغلش ولا تكلف ولا عملنا فيه حاجه اد المشروعين ج و د مثلا ف بالتالى ياخد نصيبه العادل يبقى طريقه قيمه المشروع مش عادله .
• لو استعلمنا تاريخ البدايه يعنى كل مشروع استمر معايا اد ايه برضو مش مراعيه لا حاجه خلاص ومش عاديه ومش معنى ان مشروع فضل معايا 3 سنين زى د انى احمله بنصيب كبير مع ان مصاريفه و ايراده تقريبا زى ب اللى فضل معايا كام شهر بس .
• فى عندى برضو طريقه اسمها نسب الانجاز يعنى انجزت اد ايه من كل مشروع .. بسدى مش تمام لان عندى مشروع ب 100 الف وانجزته كله السنادى هل احمله بمصاريف اكتر من المشروع ابو 20 مليون اللى انجزت منه 10 % مثلا( 2 مليون ) ؟؟ اصلا نسبه انجاز المشروع ابو 20 مليون دى2 مليون يعنى اكتر من اجمالى المشروع ابو 100 الف .
• يبقى انا عندى ال 3 طرق اللى قلنا عليهم دول هم احسنهم ...
1. بالمستخلصات و الايراد
2. باجمالى الاجور المباشره ( زى نسب التحميل فى نظام التكاليف الصناعيه )
3. باجمالى التكلفه ( طريقه برضو فى التكاليف الصناعيه زى عدد الوحدات كده تقريبا )
• لو لاحظنا ان ال3 طرق اللى فى الحل دول نسبهم قريبه من بعض اوى ولو عاوز تستعمل اى طريقه فيهم انت حر طبعا ...وبكده يبقى احنا علمنا الواجب وزياده ووزعنا المصروفات العموميه على المشاريع اخر السنه بسهوله .
قائمه الدخل للمشاريع و القائمه المجمعه للشركه ككل بطريقه الاجور المباشره :-
زى ما شفنا ربح او خساره كل مشروع لوحده و القائمه المجمعه قبل ما نوزع عليه المصروفات الاداريه وبعد ما وزعنا المصروفات الاداريه .. وهى دى الفكره ببساطه تامه .
لاحظ ان :
• اجمالى الا يراد للشركه = ايراد المشاريع أ + ب + ج + د .
• اجمالى م المششاريع للشركه = اجمالى م المشاريع أ + ب + ج + د .
• بعد ما وزعنا م عموميه اصبح الربح/خساره الشركه = ارباح/خساره المشاريع أ + ب + ج + د .
• بعد كده بنضيف بنود ايراد او مصروف غير متعلقه بالنشاط العام للشركه ك ايجار او سمسره او عمولات او راسماليه او غيره ... وده صافى الربح للشركه
• خلى بالك بالرغم من ان الشركه خساره الا انها باين لها صافى ربح ..
Post A Comment: