أعمال تحت التنفيذ آخر المدة هي عبارة عن مصروفات تم أقفالها بالحساب الختامي وتم تحميلها عليه و لم تساهم بعد في توليد إيراد . هذه المصروفات يتم إثبات ايراد يقابلها وذلك طبقا لمبدأ المقابلة ( اى مقابله المصروف بالإيراد ).
أعمال تحت التنفيذ آخر المدة
محتويات كورس محاسبة المقاولات المجانى :
هي
عبارة عن مصروفات تم أقفالها بالحساب الختامي وتم تحميلها عليه و لم تساهم بعد في توليد إيراد .
هذه المصروفات يتم إثبات ايراد يقابلها وذلك طبقا لمبدأ المقابلة ( اى مقابله المصروف بالإيراد ).
هذه المصروفات قد تكون احد الاتى :
1. مواد تم صرفها بالفعل أو تم تحميلها علي الحساب الختامي و لم تدرج بعد بمستخلص الإيراد .
2. أجور تم صرفها بالفعل و لم تدرج بعد بمستخلص الإيراد .
3. أعمال (مصروفات) تم تنفيذها بالفعل ولم تدرج ضمن اى مستخلص ولم تحسب كايراد او تم إدراجها بمستخلص الإيراد كبنود إلا انه الاستشاري لم يعتمدها .
4. فرق نسبة صرف بين مستخلص مقاول الباطن (المصروف) و بين نسبة صرف هذا البند بمستخلص الإيراد ( الإيراد) .
مثال :- بفرض أن تم عمل مستخلص مقاول باطن بنسبة صرف 100 % إلا أن هذا البند تم اعتماده كبند إيراد في مستخلص الإيراد بنسبة صرف 80 % معني ذلك انه يوجد 20 % تم إثباتها كمصروف للمقاول الباطن و لا يوجد ما يقابلها إيرادات .
5. مصروفات تمويلية و الخاصة بعمولات خطابات الضمان فقد تكون هذه العمولة عن مدة سنة و هي مدة خطاب الضمان و لذلك يجب تحديد قيمة من هذه العمولة (مصروف مقدم ) .
6. مصروفات تجهيز الموقع في بداية المشروع والسنه خلصت وانا لسه مبداتش اوى فى الشغل , يجب تحديد قيمة من هذه المصروفات كأعمال تحت التنفيذ ( برضو زى مصروف مقدم ) .
7. أي مصروفات أخرى تكون محملة علي الحساب الختامي و لم تساهم كلها في تحقيق إيراد خلال الفترة .
من الاخر اى مصروفات او اجور عماله او مواد او تنفيذ اعمال تم تنفيذها خلال العام الحالى ولم تثبت كايراد خال نفس الفتره ... كانى اشتغلت وجبت مواد وعامله ودفعت اجور و مصاريف لمقاوله فى عام 2000 حتى 31/12 و معملتش مستخلص يثبت الايراد من الاعمال دى ...
طبقا لمبدا المقابله (الايراد بالمصروف) لابد وان اثبت ايراد زى ما ثبتها مصروف .
هناك عده طرق وهى :
• الطريقه الاولى : نسبه الاتمام او الانجاز .
انا بشوف انا نفذت اد ايه من المصروفات ودى تعتبر كام من اجمالى المصروف ( لكل بند على حده ) وبقيس عليها الايرادات .
مثلا انا شغال خلال عام 2005 فى مشروع و صرفت 115 الف جنيه كالاتى :
اعمال خرسانه ( بتكلفه 50 الف )
و كهرباء ( بتكلفه 30 الف )
و سيراميك ( بتكلفه 20 الف ) .
عاوز اعرف اثبت ايراد كام لسنه 2005 دى فى 31/12 ؟
باجى اشوف البنود دى انا اخدتها اصلا بكام فى المناقصه كسعر بيع للعميل و المفروض انى هتكلف فى البند كله بكام ؟
مثلا بند الخرسانه هيكلفنى فعلى فى المشروع كله 200 الف.
وانا حاطه فى المناقصه ( المقايسه التثمينيه او عرض السعر بتاعى ) بسعر بيع للعملي 250 الف.
يعنى انا المفروض انى هتكلف 200 وابيعه ب 250 الف واكسب منه 50 الف.
تمام لحد كده ؟
طيب نسبه التكاليف لحد 31/12/2005 كام من اجمالى تكلفه البند كله ؟
نسبه البند اللى اتصرف لحد اخر السنه ولسه متعملش بيه مستخلص كانت 50 الف يعنى ربع البند ده اى ( 50 ÷ 200 = 25% ) .
يعنى انا صرفت ربع البند = يبقى استحق عليه ربع الايراد .
الايراد كان كام ؟
250 الف يبقى ربعه ( 250 × 25% = 62500 ) .
يعنى نسبه وتناسب .
كانى مثلا المفروض انى ابيع 4 كوسات علشان احصل على 8 جنيه .
انا بعت 2 بس يبقى المفروض انى احصل على 4 جنيه بس.
انا فعلا باخد اجمالى كل بند و احسب نسبه المصروف منه واضربها فى الايراد .
تعالى شوف المعالجه المحاسبيه و القيود لمبلغ الايراد ( 140300 ) .
انى اعليها على حساب العميل علطول كايراد علشان اثبتها عليه و احملها ايراد فى نفس الوقت علشان مبداء الاستحقاق ( احمل كل سنه بما تستحق من مصروف وايراد ... يعنى زى ما حملتها مصروف 115 الف احملها ب ايراد 140300 ج- عداله )
و ده من خلال قيود التسويات الجرديه اللى بعملها كالاتى :
140300 من ح / العملاء – مشروع ×× ( او بعمل ح / ايرادات مستحقه لو مش هعليه على ح /العميل )
140300 الى ح / ايراد العمليات – مشروع ××
السنه الجايه 2006 بكمل الاعمال و اعمل حاجات تانى واصرف حاجات تانى و عملت حصر للاعمال وقدمت مستخلص ب 500 الف
هعمل قيد بالفرق ( 500-140300= 359700 )
359700 من ح / العملاء ××
359700 الى ح / الايراد – مشروع ××
يعنى انا اقريت بالربح والمصروف وحملت كل سنه على حدى بالقيمه العادله الحقيقيه
• الطريقه الثانية : الاعمال المنجزه الفعليه .
هى الاعمال التى انجزت فى العمل فعلا وده بيكون عن طريق المهندس اللى عندى مع مهندس الاستشارى وهما بيحددو نسبه الاعمال المنجزه الى نسبه الاعمال الكليه ( قريبه جدا من الطريقه السابقه ) يعنى فى المثال السابق لو اتضح ان نسبه بند الخرسانه مثلا 20 % يبقى هعترف ب ايراد 50 الف .
ولو كانت نسبه الاعمال المنجزه للبند 100 % يبقى هعترف بايراد البند كاملا ( كما فى المناقصه ) .
و عمل قيود زى الطريقه الاولى تماما بدون اختلاف .
لازم تعرف انى بعمل الحكايه دى ولازم الاستشارى يعتمد البنود دى كانى انجزت خلال عام 2005 نسبه 20 % من قيمه الاعمال الخرسانيه و نسبه 28 & من الكهرباء ونسبه 26 % من السيراميك .
وده اللى انا بقيس عليه الكلام ده و اعمل بيها قيود داخليه عندى و اثبت الايراد بتاعها ولا اطالب بيها المالك فى حينها بل هتدخل فى المستخلص الجاى ابو 500 الف . يعنى ده شغل داخلى عندى انا .
الطريقه دى كويسه جدا طبعا زى الاولى تقريبا و بتستعمل كثيرا اوى اوى اوى
كمل معانا وشوف كده
• الطريقه الثالثه : مستخلص اعمال داخلى .
الطريقه دى انا بخلى الاداره الهندسيه تساعد فى الحكايه دى و هى نفس الطريقه الاولى بالظبط بس بدون ما اعتمد على الاستشارى لانه ممكن يرفض بعض البنود ..
يعنى بعمل مستخلص وهمى داخلى الشركه علشان اثبت الايراد المقايل للمصروف بتاع الفتره وكانى هقدمه للمالك بالظبط بس مش بقدمه و لا بيعتمد من بره بس بيعتمد من المدير المالى ومدير المشروعات و بعمل نفس الطريقه والقيود بتاع الطريقه الاولى تماما علشان اقفل 2005 .
بعلى على حساب العملاء واثبت الايراد
من ح / العملاء××
الى ح / الايراد مشروع ××××
ولما بعمل مستخلص فى 2006 بتكون نفس المعالجه ونفس القيود وكله كله كله ..,,
• الطريقه الرابعه : ح / تنفيذ العقود والمقاولات .
الطريقه دى بتعامل المصروفات التى لم يثبت لها ايراد كانها مخزون بضائع و بتحمل المشورع بيه . وده من شانه انه يزود الايراد بقدر المصروف .
و السنه الجايه بنقفله
القيد- إثبات أعمال تحت التنفيذ آخر المدة :
من حـ/أعمال تحت التنفيذ آخر المدة
إلى حـ/تنفيذ العقود و المقاولات
- أعمال تحت التنفيذ آخر المدة ستكون أعمال تحت التنفيذ أول المدة خلال العام التالي و سيتم أقفالها بالحساب الختامي في العام التالي.
وخلى بالك ده علشان منحملش المشروعات او الايراد يعنى باى مصاريف زياده عليه يعنى زى معالجه م . مقدم تقريبا ( نحمل السنه بما يخصها من مصروفات فقط ) .
عاوز اؤكد انى بعاملها كده علشان مقفلهاش ( لانه غلط اى انى معترفش باى مصروف زى ما قلنا سابقا ) و فى نفس الوقت بعلى مخزون اخر المده اللى من شانه انه يعلى الايراد .. يعنى كانى بالظبط اعترفت بالايراد بس بنفس قيمه المصروف .
يعنى انا صرفت فعلى 50 الف و المفروض ان المصروف ده بيولد لى ايراد 70 الف ( ربح 20 الف ) .. بلاقى انى بعترف بالايراد 50 الف فقط وليس ال 70 الف.
ملحوظه هامه جدا:
يتناسب مخزون اخر المده مع الايراد تناسب طردى – يعنى لما المخزون اخر المده
بيزيد .. بيزيد معاه الايراد
ولما بيقل ... بيقل معاه الايراد
- نرجع نقول احنا بنعمل القصه دى يا اخونا علشان لو فى اى مصاريف احنا عملناها على مشروع ولم نقدمها فى مستخلص او المستخلص لم يعتمد بعد او كده بنخفضها من المصاريف ( قائمه دخل ) وفى نفس الوقت بننزلها فى الميزانيه على انها اصل مدين عادى جدا وغالبا بتنزل باسم مشروعات تحت التنفيذ علشان الناس اللى بتقرى القاوائم تعارف ان دى فلوس مشروعات لم تعتمد مثلا.
ملاحظــــات :
1. لاحظ أن مصاريف العمليات تشمل المواد المنصرفة فقط .
2. لاحظ برضو ان الحساب ده وسيط وبيطلع مجمل الربح لكل مشروع على حده .
3. خلى بالك اننا لا نستغنى بيه عن قائمه الدخل لكل مشروع برضو ودى هنشوفها تحت حالا.
4. برضو الحساب ده زى أ . خ بتاع الشركات العاديه يعنى بنقفل فيه المصروفات كلها والايرادات كلها وفى ناس مبتعملوش وبتقفل فى ح أ . خ عادى والمعالجتين صح.
ملاحظــــات ؛ القائمه دى زى قائمه الدخل بالظبط بس دى بتتعمل لكل مشروع على حده علشان نعرف منها المشروع ده ايراداته ( مستخلصات الايراد) كانت اد ايه ومصروفاته ( مصروفات العمليات والاهلاكات فقط) كانت كام وبنحط عليه اى اعمال تحت التنفيذ اخر ونخصم منه اول, وزى ما فى قائمه الدخل بنضيف ونخصم بضاعه اول واخر المده تقريبا , المهم بيطلع لنا مجمل ربح المشروع ده ,, وبعدها بنجمع الارباح دى اللى هيا الايرادات العمليات ونعمل بيها قائمه الدخل العاديه بتاع الشركه اللى بنخصم منها المصاريف الاداريه والى اخرة.
محتويات كورس محاسبة المقاولات المجانى :
Post A Comment: