يعنى ايه مستخلص ؟؟؟ المستخلص هو الفاتوره او الايراد فى شركه المقاولات , يعنى اهم حاجه على الاطلاق ولازم تاخد بالك كويس اوى وتتابعه باستمرار وتحسب كل كبيره وصغيره فيه والدفعات والخصومات والتامين و يكون دايما فى بالك و تفتح لكل مشروع حساب لوحده تماما و تتابعه فى كل حاجه الى اخرة.
محاسبة المقاولات ...الايرادات (المستخلصات)
محتويات كورس محاسبة المقاولات المجانى :
11.محاسبة المقاولات ...دليــل الحــسـابـات يعنى ايه مستخلص ؟؟؟
المستخلص هو الفاتوره او الايراد فى شركه المقاولات , يعنى اهم حاجه على الاطلاق ولازم تاخد بالك كويس اوى وتتابعه باستمرار وتحسب كل كبيره وصغيره فيه والدفعات والخصومات والتامين و يكون دايما فى بالك و تفتح لكل مشروع حساب لوحده تماما و تتابعه فى كل حاجه الى اخرة.
طيب بيتعمل امتى وازاى ؟؟؟
بيتعمل كل شهراواتنين او حسب الاتفاق وممكن يتعمل على اساس نسبه الانجاز يعنى لو انجزت ( اشتغلت وخلصت ) 10 % او 20 % من قيمه العقد بتقدم مستخلص بالنسبه دى .
وبيتعمل بنفس شكل المستخلص اللى شفناه فى مقاولى الباطن ولكن الاختلاف اننا اللى بنعمله يعنى الدفعه المقدمه وتامين الاعمال والحاجات دى بتتخصم مننا احنا عن طريق العميل .
واختصارا ؛
بناءا علي ما تم تنفيذه من بنود أعمال يتم إعداد مستخلص الإيراد والذي يتم محاسبة العميل عليه و يتم إعداد مستخلص الإيراد طبقا لحصر الكميات ويرسل لاستشاري المشروع لمراجعة الكميات المدونة به ثم يرسل بعد ذلك للعميل لمراجعة النواحي المالية.
يقوم العميل بخصم تامين ضمان أعمال 5% او 10 % يرد 5 % منها عند التسليم لابتدائى او حسب العقد و يخصم ضرائب أرباح تجارية و صناعية 1% و نسبة الدفعة المقدمة إن وجدت وان لم توجد فبلاش .
إذا كان حجم العمل بالمستخلص يشمل ضريبة المبيعات هنا يجب فصل الإيراد عن ضريبة المبيعات .
تعالى ناخد مثال ونشرح فيه
مثال : بفرض اننا اخدنا مقاوله من شركه شحبور الدوليه بمبلغ مليون جنيه استرلينى لاننا عارفين ان الجنيه المصرى بقا زى الزقت وفضحنا ولا يساوى الهوا .. واخدنا دفعه مقدمه 100 الف , وخلاص احنا نفذنا 25 % من قيمه الاعمال المتفق عليها وعاوزين نقدم مستخلص .. نعمل ايه ؟
الاول تعالى نحسب الدفعه وبعدين خصم تامين الاعمال بفرض انها 10 % وكذلك الدفعه المقدمه اللى احنا اخدناها ونشوف هنعمل ايه .
المستخلص = 1 مليون × 25 % = 250000
ودى قيمه المستخلص اللى هنقدمه بالاعمال اللى نفذناها
يعنى احنا نفذنا ربع المشروع يبقى نستحق ناخد ربع مبلغ العقد.
تامين اعمال = 250 الف × 10 % = 25 الف.
ودى قيمه تامين الاعمال اللى هتتخصم تامين الاعمال ده بيتخصم مننا بنسبه 10 % من المشروع للصيانه لمده عام يعنى علشان يجبرنا اننا نعمل صيانه للمشروع طوال فتره عام وان لم نعمل الصيانه هوا بيعملها وبيخصمها من التامين اللى عنده .
وغالبا يرد 5% من قيمه التامين عند تسليم المشروع تسليم ابتدائى والباقى بعد مرور سنه وتسليم نهائى .
الدفعه المقدمه = 100 الف × 25 % = 25 الف.
وده خصم الدفعه اللى اخدناها فى الاول وهنتابع معا باقى الدفعات فى باقى المستخلصات .
ده كان عرض بسيط للغايه للمستخلص ( الدفعه الاولى ) وتعالى نشوف باقى الدفعات لحد ما نخلص المشروع خالص .
فى واحد هنا ناصح وانا عارفه ابن ابو سويلم ابو لسان زالف يقولى كل الدفعات زى بعض يا بيه ولا تختلف الطريقه فى المعالجه وهى طريقه واحده بس .
فى اكتر من طريقه لحساب الدفعات وعمل المستخلص بس انا بوريكم الاصل والاساس
هناك عده طرق منها اللى احنا عرضناها فى مقاولين الباطن لما بيقدم مستخلص وهى هى لما نقدم احنا كمان مستخلص يعنى بنحسب السابق والحالى وبيطلع الاجمالى.
وبيطلع لنا رقم يعنى مثلا السابق 35الف
والحالى 40الف
يبقى الاجمالى 75الف .
لما بنيجى نكتب المستخلص بنكتبه ب 75 الف.
ونخصم السابق منه اللى هوا 35 الف.
ونخصم الدفعه المقدمه والتامين وكالعاده تماما ..
الطريق التانى بقا ولا فيها سابق و كله الحالى وبس.
يعنى بنحسب احنا اشتغلنا بكام ؟؟؟
نحاسب عليه وتعالى نكمل مثال شحبور بنفس الطريقه دى ....
بفرض ان الدفعه التانيه كانت 60% من المشروع ككل
يعنى لوحدها = 35 % شغل حالى ...
المستخلص = مليون × 35% = 350 الف
تامين اعمال = 350 الف × 10 % = 35 الف
الدفعه المقدمه = 100 × 35% = 35 الف
بفرض ان الدفعه التانيه كانت 100% من المشروع ككل
يعنى لوحدها = 40 % شغل حالى ...
المستخلص = مليون × 40% = 400 الف
تامين اعمال = 400 الف × 10 % = 40 الف
الدفعه المقدمه = 100 × 40% = 40 الف
نلاحظ مما سبق الاتى
مجموع الدفعات او مستخلصات الايراد فى الاخر = 250+350+400 = مليون يعنى قيمه العقد كله .
مجموع الخصم من الدفعه المقدمه فى الاخر = 25+35+40 = 100الف يعنى خصمنا الدفعه كلها .
مجموع خصم تامين الاعمال فى الاخر = 25+35+40 = 100 الف يعنى 10 % من العقد .
تعالى نشوف القيود
تنويـــــــــــه :
زى ما كنا فى مقاولى الباطن بندى للمقاولين مواد او اى حجه احنا كمان ممكن ناخد مواد من العميل او لو اشتغلنا لشركه تانى مقاول باطن واخدنا منها مواد او اى حاجه بتتعالج عادى جدا زى ما كنا بنعمل مع مقاولى الباطن بس بالعكس يعنى لو اخدنا مواد هتتسجل علينا وهكذااااا ,,,
برضو ح الاستاذ هتكون عادى جدا زى ما عملناها فى مقاولى الباطن وتعالى نشوف نبذه منها ,,
ح / العملاء ( استاذ عام بننزل فيه اى دفعه اخدناها من العملاء ككل )
فى الحساب ده احنا بنثبت الاعمال والدفعات اللى اخدناها من كل العمليات لكل المشاريع وكذلك الحال بالنسبه للدفعات المقدمه وتامين الاعمال بنثبتها كلها فى حساب واحد عام علشان لما نحب نعرف احنا اخدنا دفعات مقدمه اد ايه مثلا او خصم تامين هنعرف انها 50000 ج ولما نحب نعرف احنا اخدناها من مين وتفاصيلها هنبص على الاستاذ المساعد بتعها والمهم خلينا فى شحيبر بيه .
ح / العميل – شحيبر
فى حساب العميل – شحيبر ( حساب مساعد ) بنثبت فيه شغلنا والدفعات اللى اخدناها ولو بصينا دلوقتى هنلاقى اننا اشتغلنا ب 200 وبعدين اخدناها دفعه وهكذا وفى الاخر ح / = صفر لاننا اخدنا كل الدفعات المثبته ...
ح / الدفعات المقدمه عملاء – شحيبر
لو بصينا فى ح / دفعات مقدمه عملاء – شحيبر ( وده حساب مساعد ) هنشوف اننا اخدنامليون5 فى الاول وبعدين خصمنا من اول مستخلص 250 ومن تانى مستخلص 350 وبكدهثم 400 يبقى حساب الدفع اللى عنده صفر ..
ح / تامين عملاء – شحيبر
خلى بالك انه خصم منا الفلوس دى تامين وثم اخدناها بعد التسليم الابتدائى 50 والنهائى 50 بغض النظر عن حوار الصيانه ده مالوش دعوه هنا وبيتحمل مصاريف عادى جدا
محتويات كورس محاسبة المقاولات المجانى :
Post A Comment: