مقاولـى البــاطـن من اهم بنود التكلفه ( المصروفات ) فى المقاولات هى مقاولى الباطن ولازم تفهمها كويس وتعرف كل الحالات اللى ممكن تقف ادامك وازاى تعالجها وهناخدها حاله حاله ( بما فيها المستخلصات ).
مقاولـى البــاطـن
محتويات كورس محاسبة المقاولات المجانى :
من اهم بنود التكلفه ( المصروفات ) فى المقاولات هى مقاولى الباطن ولازم تفهمها كويس وتعرف كل الحالات اللى ممكن تقف ادامك وازاى تعالجها وهناخدها حاله حاله ( بما فيها المستخلصات ).
1 – مقاولى المصنعيات : هما المقاولين اللى بياخدو شغل يد فقط يعنى مثلا مقاول باطن دهانات بياخد العمل فقط وانا بقوم بتامين المواد الازمه للدهان من اساس ورش ودهان وكل حاجه وبحاسبه فى الاخر على قد الاتفاق بالمتر او المقطعيه او مقاوله يعنى حسب الاتفاق .
2 – مقاولى اعمال : ودول بيتفق معاهم على توريد المواد والتركيب او العمل مثلا مقاول باطن مبانى . ده بيجيب الطوب والاسمنت والرمل والعمال وكل حاجه ويشتغل وفى الاخر نحاسبه حسب العقد او الاتفاق .
• خلى بالك الاتنين مش هيختلفو كتير فى المعاجله وتعالى نشوف امثله.
ملاحظات على الحل
1. احنا علينا المستخلص كله 15الف على م عمليات الهاشم فى قيد الاثبات ده .
2. خصمنا الف من الدفعه المقدمه اللى اخدها سيد لانه اشتغل 20%من الشغل بالتالى خصمنا 20%من الدفعه المقدمه .
3. خصمنا منه تامين اعمال علشان لو جرى نعرف نحاسبه ونخليه دايما تحت ايدنا.
4. اثبتنا حقه علينا13الف هنسددها لما يعتمد المستخلص من المكتب الفنى بتاعنا يعنى يقول فعلن الراجل ده استغل كده صح او يعدل لنا القيمه , بالتالى هنخصم منه على قد ما يقول المكتب الفنى .
5. خلى بالك اننا فتحنا حساب فرعى للمقاول ده بكل حاجاته (تامين–دفعه مقدمه–مقاول باطن وده بالمستحق)
خلى بالك انه ممكن نعرف ان مقاول الباطن اخد مننا مواد او عماله وقت احضار المستخلص وبيكون مكتوب فيه عند الخصومات الاخرى ( مواد او عماله بالقيمه ) وبنعالجها عادى . بنخصمها من المصاريف والمقاول علشان نقلل المصاريف بالمواد اللى احنا كنا محملنها عليه ولم يستفيد منها وكذلك بنحملها للمقاول لانها تعتبر دفعه اخدها واشترى بيها بضاعه مثلا . تعالى نشوف حسابات الاستاذ لكل من ح / (مقاولى باطن– تامين مقاولى – دفعه مقدمه مقاولى) ,, هنشوف استاذ عام مقاولى باطن وبعدها مساعد لكل من مقاولى باطن – تامين ,
ح / مقاولى الباطن ( استاذ عام بننزل فيه اى دفعه اخدها اى مقاول و استحقاقه )
فى الحساب ده احنا بنثبت الاعمال والدفعات اللى قام بيها كل مقاولى باطن لكل المشاريع وكذلك الحال بالنسبه للدفعات المقدمه وتامين الاعمال بنثبتها كلها فى حساب واحد عام علشان لما نحب نعرف احنا ادينا دفعات مقدمه اد ايه مثلا هنعرف انها 50000 ج ولما نحب نعرف احنا اديناها لمين بنبص فى الاستاذ المساعد بتاع الحساب ده ونعرف .
ح / مقاولى الباطن – سمير زخرفه
فى حساب مقاولى الباطن – سمير زخرفه ( حساب مساعد ) بنثبت فيه شغله والدفعات اللى اخدها ولو بصينا دلوقتى هنلاقى انه اخد دفعه 1000 وبعدين اثبتنا انه اشتغل ب 22000 وبعدين اديناله الفرق 21000 وبنكمل الحساب لباقى الاعمال والدفعات لحد ما يخلص شغله هتلاقى رصيده صفر.
ح / الدفعات المقدمه مقاولى باطن – سمير زخرفه
لو بصينا فى ح / دفعات مقدمه مقاولى باطن – سمير ( وده حساب مساعد ) هنشوف انه اخد 5 لااف فى الاول وبعدين خصمنا من اول مستخلص الف ومن تانى مستخلص اربعه وبكده يبقى حساب الدفع اللى عنده صفر .
ح / تامين الاعمال مقاولى باطن – سمير زخرفه
لو بصينا هنعرف انه فى مشروع الهاشم اتخصم منه الف من اول مستخلص و4 من تانى مستخلص يعنى اخر السنه هنلاقى انه داين لينا ب 5 الاف جنيه ودى هتنزل فى الميزانيه فى جانب الخصوم الا اذا اخدها قبل اخر السنه هتبقى صفر,
وخلى بالك انه لو شغال فى اكتر من مشروع هيبان انه اتخصم منه كام فى انهى مشروع زى ما هو باين هنا انه مشروع الهاشم الف وبعدين اربعه ولو تحب تعمل حساب فرعى لكل مشروع على جنب كده يكون احسن لمعلوماتك انت انما ده مش فى الدفاتر او البرامج بينما لتميزك انت علشان تكون ملم بكل حاجه . وده شكل مستخلصين.
اللى فات ده شكل المستخلص العام فى اى حته فى الدنيا ودى اصلا من عندنا من الشركه عملناها لمقاول هنا .
وفى ناس بتعمله كده وفى ناس مبتكتبش السابق والحالى وتخصم منه السابق صرفه يعنى ممكن نكتب فى مستخلص 2 مثلا الحالى علطول 6800 ونخصم منه التامين والدفعه والتامينات او الضرائب وخلافه اذا ما وجدت وبس زى اول قيود احنا عملناها لبرج الهاشم بس انا قلت اوريلك الاتنين وفى نفس الوقت اوريلك شكل مستخلص يفيدك فى اى حته فى الدنيا .
تنويه وطريقه الحساب
الدفعه الاولى بتاع المستخلص الاول هتتحسب كده :
مستخلص الايراد = اجمالى الاعمال = 18925
خصم تامين اعمال 18925 × 10% = 1892
خصم الدفعه المقدمه = 18925 × 20 % = 3784
يبقى صافى الدفعه اللى هندفعها = 13249
الدفعه التانيه بتاع المستخلص التانى هتتحسب كده :
مستخلص الايراد = اجمالى الاعمال سابق + حالى = 30130
علشان نعرف صافى اعمال مستخلص 2 لازم نطرح اعمال مستخلص 1
علشان متكررش وتبقى مذكوره مرتين ....
يعنى لو قلنا ان مستخلص 1 = 18925
ومستخلص 2 = 30130 يبقى الاجمالى للاعمال = 18925+30130 = 49055 جنيه
وده غلط جدا لان اجمالى الاعمال = فقط 30130 فقط مقسمه
مستخلص 1 = 18925
ومستخلص 2 = 11202 فقط
و بنجيب صافى مستخلص 2 باننا نحسب الاجمالى ونطرح منه المستخلص السابق (1) = 30130 – 18925 = 11202 جنيه .
خصم تامين اعمال 11202 × 10% = 1120.2
خصم الدفعه المقدمه = 11202 × 20 % = 2240.4
التامينات الاجتماعيه = 11202×2.7 % = 302.4
السابق صرفه المره اللى فاتت= 1000
بس ده مالوش دعوه باى حاجه خالص هع هع خدعه يعنى.
خلى بالك ان لو جمعنا الكلام ده كلو فى الاخر هيطلع 30130 = مستخلص اول وتانى + خصمين تامين + خصمين دفعه مقدمه = (13249 + 7842 ) + (1892+1121 ) + (3784+2242 ) = 30130
ده كان شكل مستخلصين لشركه الاعمار قدمهم المقاول الباطن بلبع بتاع الخرسانه والصبه بس على ورقنا احنا وهنعمل بالظبط زى القيود اللى فوق بس هنزود عليها الضرايب والسابق صرفه وتعالى نشوف هتتعمل ازاى وخلاص ؛.
فى حاجه من ضمن المصاريف وهى الاهلاك ( اخشاب او الات ) لانه بيحمل من ضمن تكاليف ( مصاريف )المشروع طبعا ولابد من تعليته عليها وفى حاجات تانى زى م تمويل او اى حاجه تانى وكلها بتتعامل نفس المعامله كالاتى
*** من ح/ م. عمليات ( م . اهلاك الات / م . تمويل / تامينات / اى حاجه تانى بقا ,,,,
*** الى ح / العهد / البنك / الخزينه /مجمع اهلاك / اى حاجه تانى بقا ,,,,
فى حته كده فى مقاولى الباطن الا وهى ان فى ناس بتثبت كلا من ح / الدفعه المقدمه وح / تامين الاعمال و ح / مقاول الباطن فى حساب واحد فقط ... و ده مش صحيح و بيخليك تلخبط و تطلع نتائج غير دقيقه بالمره ...
بس فى حته فنيه تانى كده انك لو مثلا اديت ل مقاول الباطن دفعه مقدمه ( حساب مدين بطبيعته ) و اثبتها دفعه مقدمه و انتهت السنه بدون ما يقدم المقاول ده اعمال ,, عادى جداااا هتظهر المبالغ دى فى الجانب المدين فى الميزانيه على انها دفعات مقدمه مقاولى باطن ...... عادى جدااااا
طيب لو انت بقل مش فاتح حساب دفعات مقدمه و اديت ل مقاولين دفعات مقدمه و حسبتها فى ح / مقاول الباطن ؟؟؟؟؟ دى مشكله بس ليها حل سهل جداااا
اول حاجه لا يصح انك تاخد الرصيد النهائى للاستاذ العام ل مقاولى الباطن و تحطه فى الميزانيه ....
تانى حاجه لما تقابل الحكايه دى فرق المقاولين المدينين عن المقاولين الدائنين و حمل كل حساب بما يخصه ,, كانك بتعلمل تسويه ..
يعنى مثلا اثناء ما بنقفل حسابات اخر السنه و جدنا ان مقاولين الباطن رصيدهم 1245000 ريال ,, بس فى 3 مقاولين ( احمد – محمد – محمود ) ارصدتهم شاذه ( رصيد حسابهم مدين ) بمبلغ 245000 ريال .. بمعنى ارصده مدينه و هى شاذه لان اصل الحساب ده دائن و لما تلاقى انه مدين يبقى فى مصيبه عندك و لازم تحلها ...
** الحل عادى جداااااا ,, خد الحل
$ هنعمل تسويه و تقفل حساب المقاول ده فى ح / الدفعات مقدمه – مقاولى باطن زى كده :::
من مذكورين
245000 ح / مقاولى باطن – دفعات مقدمه
75000 / مقاولى باطن - احمد
115000 / مقاول باطن – محمد
55000 / مقاول باطن - محمود
الى مذكورين
245000 ح / مقاولى باطن
75000 / مقاولى باطن - احمد
115000 / مقاول باطن – محمد
55000 / مقاول باطن - محمود
بكده احنا قفلنا الحسابات المدينه ل مقاولى الباطن لاننا خليناها دائنه ,,, و فتحنا حسابات مدينه ل مقاولى باطن – فعات مقدمه ,,, لان اصلها مدين , و قيس عل كده اى حاجه تانى زى الموردين نفس الحوار بيتظبط .
ملحوظه هامه جدا :
خلى بالك انا مخصمتش من المستخلص بتاع مقاول الباطن اى ضرائب او تامينات اجتماعيه او اى حاجه تانى للتسهيل فقط علشان مش تشغل بالك بيهم دلوقتى وهناخدهم بالتفصيل اوى فى مثال عملى شامل فيما بعد و كمان علشان فى مقاولين باطن مش متسجلين و بالتالى مش هتخصم منهم او حسب الاتفاق .
يا رب نكون فهمنا الحكايه ماشيه ازاى ولو انى حاسس انى مشرحتهاش كويس او فى حاجات ناقصه بس على العموم اعيد واقول الى عاوز اى حاجه يا اخونا لا يتردد ولا يحرمنى من الاجر وياريت يبعت لى على الميل بتاعى وانا ان شاء الله هرد على سؤاله بالشرح الممل والتفصيل الدقيق باذن الله .
محتويات كورس محاسبة المقاولات المجانى :
Post A Comment: