مصاريــف العمليـات اول حاجه لازم نعرفها ان المصاريف بتاع اى عمليه ( مشروع ) تقسم الى عده اقسام هى : 1. المواد ( اسمنت ورمل وحديد ومياه واخشاب وابواب وشبابيك سواء حديد او خشب او المونيوم وكهرباء الموقع وبترول العربيات و
مصروفات العمليات
محتويات كورس محاسبة المقاولات المجانى :
اول حاجه لازم نعرفها ان المصاريف بتاع اى عمليه ( مشروع ) تقسم الى عده اقسام هى :
1. المواد ( اسمنت ورمل وحديد ومياه واخشاب وابواب وشبابيك سواء حديد او خشب او المونيوم وكهرباء الموقع وبترول العربيات وسابكه وكهرباء وبلاط وعزل ومرايات ,, يعنى كل المواد الداخله فى البناء والتشطيبات والتجهيزات و الفرش و من ضمن بنود العقد العقد ) .
2. الاجور ( وهى اجور نقديه سواء للعاملين او العماله من الخارج والاضافى وغيره . ومزايا عينيه مثل وجبات طعام او تامين طبى وعلاج . وتامينات اجتماعيه ودى معروفه طبعا ) .
3. مقاولين الباطن ( ودول هنشوف فيهم كلام كتيرررر اوى فى مكانه تحت شويه )
4. اخرى ( زى رسوم ومخططات هندسيه واعمال المساحه و رسوم خدميه والاعلان وم نقل و ايجار معدات وضيافه وصيانه وقطع غيار واكراميات واهلاك الاصول ,,,, يعنى اى خاحجه غير المواد والاجور بصراحه تبقى م . غير مباشره اى م . اخرى )
- يجى بعد المصاريف دول بقا مقاولى الباطن ودى حته مهمه اوى جدا ولازم تاخد وقتك وتفهمها كويس من حيث مصاريفهم ومستخلصاتهم وخلافه ,, وتعالى نبدا بالمصاريف .
مصاريف العمليات
مصروفات العمليات هى كل المصاريف المباشره ( مواد واجور ) او غير مباشره ( اخرى ) التى تتعلق بالمشروع والتى تدفع عن طريق الاداره او من محاسب الموقع او مقاولى باطن او من اى حد المهم انها لازم بتتحمل على المشروع علشان نعرف تكلفته كام ونقارنه بالموازنه التخطيطيه للمشروع اللى كنا عملناها فى كروت التحليل واللى بيتعمل بيها جداول وحسابات قبل المشروع علشان نسترشد بيها من حيث المواد والاجور والوقت وخلافه .
المهم اننا بنفتح حساب ( مركز تكلفه ) لكل م . عمليات – مشروع الهاشم .. مثلا وبنحمل عليه كل مصاريفه وغالبا بيكون يوميه امريكيه وبنحط فيها كل بند لوحده يعنى الاسمنت و الحديد و الحفر و مقاولى الباطن والمياه ,,, يعنى كل بند لوحده علشان نعرف نقارن ونراقب كويس المشروع .
وغالبا فى كل موقع بيكون فى هناك مسؤل عهده او اكثر يعنى بيكون معاه عهده مستديمه بيصرف منها وده بيسموه محاسب موقع او اى اسم تانى بس المهم ان اى حاجه المشروع بيحتاجها بيجبها من العهده الى معاه وبيقدم فواتير للمحاسب فى المكتب ويعمل استعاضه عهده و خلى بالك انه فى البرامج الالكترونيه ( البرامج المحاسبيه الجاهزه ) بيكون فى حاجه اسمها مركز تكلفه لكل مشروع و ده حاجه زى الحساب بالظبط فى الدفترى ... يعنى بتربط كل مصروف بالحساب ( اللى هوا مركز تكلفه ) و كمان بتربط ايراد المشروع بنفس مركز التكلفه ( الحساب ) علشان اخر السنه تعرف الحساب ده عليه مصروفات او ايرادات اد ايه ,,, وتعالى ناخد مثال على الحكايه دى .
مثال احد العاملين اخد عهده مستديمه 10000 ج وسجلناها عليه كالاتى وعمل حاجات كتير ولما جاب فواتيربتاع شغله ب 7500 ج عملنا القيد ده فى سند اليوميه اللى بيكون شكله كالاتى وبعدين بننزلها فى الامريكيه .
اما غالبيه المواد الاساسيه من حديد واسمنت ومواد سباكه وكهرباء وصرف وخلافه فيتم تامينها من قبل المقاول الرئيسى(الاداره) لانها بتكون بكميات كبيره ومبالغ هائله وغالبا بتكون بالاتفاق مع الموردين( شغل قسم المشتريات ) وبرضو بتعالج زى اللى فات تقريبا وبتحمل على المشروع وتعالى نشوف المثال ده
مثال قامت الشركه بتامين مواد كتير لموقعين بعضها اجل والبعض الاخر من بنك الاهلى كالاتى .
مثال ممكن الاداره تبعت مواد من موقع الى موقع اخر يكون محتاج لها حالا وغير متوافره فى المخزن عندنا او هتاخد وقت لحد ما نشتريها فنبعتها من موقع مدرسه الامل الى موقع الهاشم ونعالجها كده .
مثال ممكن الاداره تبعت مواد من موقع للمخزن لان الموقع ليس فى حاجه لها او زياده عنده .
مثال ممكن مواد تتسرق من المخزن ومنعرفش مين المسؤل عنها او نعرف وهنشوف الحالتين ؛
مثال ممكن الاداره تبيع مواد متبقيه فى الموقع وده بيكون اما ربح او خساره ولكن فى الغالب خساره ؛
خلى بالك اذا كنا فاتحين حسابات للمخزون ولما بنشترى المواد سواء حديد او اسمنت او غيره بندخله الاول فى المخزن وبعدين بنطلعه للمواقع كلا حسب حاجته بقيد واحد كالاتى ؛
10000 من ح / م. عمليات الهاسم – حديد 10000 الى ح / مخزون المواد – حديد
بكده يبقى عليناه على الموقع وخصمناه من المخزن ولما بنرد مواد بنعكس القيد , وخلى بالك ان اى حاجه فى المخزن بيكون ليها كارت صنف ولما بنخرجها من المخزن للموقع لازم بنعمل اذن صرف
اذن صرف مخازن ( حديد )
كارته صنف ( حديد )
وخلى بالك من حسابات المخزون فى المقاولات تحديدا لان فيها لعب كتير وخليك صاحى ومن اهم الحاجات الجرد المستمر على المخزون زى الحاله دى يعنى علطول فاتحين حسابات للمخزون وكل صنف بنعمل له كارته صنف عندنا وحساب لوحده ولما بيخرج او يدخل حاجه بنحسبها فيه لاننا بنقارن فى الاخر مع المخازن فى الجرد بتاع اخر السنه ودى من احسن طرق المخزون من وجهت نظرى المتواضعه واحسن من الجرد الدورى . ولكن فى شركات مبتفتحش حساب للمخزون اصلا وكل ما بتشترى حاجه بتحملها على المشروع علطول زى الامثله اللى اديناها فوق وده بيحصل فى شركات كتيرررر وبيكون كويس برضو .
** عاوز اقول لما بنشترى مواد ( حديد ) و تدخل المخزن بنعمل قيد كده
من ح / المخزون ( حديد )
الى ح / الموردين
** لما بصرف المواد ده من المخزن لمشروع ما بعمل القيد كده
من ح / م عمليات - ×× - ( حديد )
الى ح / المخزون ( حديد )
مش هكتر عليكم و برجاء مراجه مذكره او الجزء المنفرد الخاص بالمخازن و المخزون اللى بفضل الله عملته و انت تجد فيه ما تريد من امثله و طرق التسعير للمخزون و خلافه .
نظرة سريعة على دورة المشتريات او طلب شراء المواد .
تعالى ناخدها فى عده خطوات ونشوف مين مسؤول عن كل واحده .
• عند البدء مثلا فى اعمال خرسانه اساسات بيكون مطلوب خرسانه جاهزه بكميه 90 م مثلا كما هو منصوص فى المناقصه و كراسه الشروط والجدول الزمنى .
• بيقوم مهندس المشروع عامل طلبيه وبيقدمها لمدير المشروع او مدير مشروعات الشركه ( لو المهندس ده هو المهندس الوحيد فى الموقع )
• مدير المشاريع بيقارنها بالجدول الزمنى ( علشان يعرف اننا عاوزين فعلا خرسانه بالكميه دى فى الوقت ده وبالمواصفات اللى طالبها المهندس ) و بيوافق عليها عند انطباق الشروط .
• بيعتمدها ويحولها للاداره الماليه اللى برضو بتقرنها بالجدول الزمنى والمقايسه علشان تعرف انها كميه تمام ومش اكتر من المفروض و النوع وبلابلابلا .
• بتعتمد من المدير المالى وبيحولها لقسم المشتريات ليتخد الازم .
• قسم المشتريات بيكون عنده طبعا عروض اسعار من موردين بنتعامل معاهم من زمان وعارفين السعر ( قبل ما المورد بيغير السعر ب 3 شهور بيبلغنى وده فى عقد التوريد بينا ) .
• قسم المشتريات بيبعت طلب شراء للمورد او اذن توريد ( ولو اول مره بطلب الاول عرض سعر و بعدها الطلب لو وافقت على سعره ) .
• المورد بيبعت البضاعه ( الخرسانه ) للموقع وبيكون فى استلام طبعا من مهندس الموقع علشان نتاكد انها كما طلبنا بالكميه و الجوده . وبيدى صوره لمهندس الموقع .
• مهندس الموقع بيجيبلى صوره الاستلام دى ( فيها كميه ونوع ) .
• المورد بيبعت لى فاتوره فيها الكميه والنوع والسعر و صوره من الاستلام اللى مضا عليها المهندس .
• قسم المشتريات بيحولى الكلام ده و انا اقارن الكميه اللى فى طلب الشراء مع اللى فى الفاتوره مع اللى فى اصل وصوره اذن الاستلام و براجع من حيث الكميه و النوع و الجوده .. وكمان بقارن السعر اللى فى الفاتوره بسعر عقد التوريد او عرض السعر اللى هوا جايبهولى .
• لو فى غلط ( مثلا الكميه فى الفاتوره اكتر من الاذن استلام او اقل او ان السعر مخالف لما هو متفق عليه ) برجع الفاتوره للمورد و بقولو على الغلط و بنتفاهم فى الاخر .
• كده انا متاكد ان الموقع طلب البضاعه فى الوقت المناسب وبالكميه و النوع المناسب وانه تم التسليم كما هو مطلوب و الاسعار تمام ..
• عاوز اقول ان الجدول الزمنى ده جدول انا بقسم فيه المشروع لاشهر و ايام وبقيم العمل على الاشهر والايام دى علشان انا مرتبط ب وقت تسليم و منه براقب و اتابع سير العمل علشان الناس متنمش ولا انهميقولو اشتغلو و ياخدو مرتب ومفيش ما يستدعى ذلك .
محتويات كورس محاسبة المقاولات المجانى :
Post A Comment: