نبداء فى معالجات المواضيع حسابيا واول ما يقابلنا هنا هو كراسه الشروط وهى كما نعلم كراسه تتضمن كل ما يتعلق بالمقاوله من كميات واصناف الى اخرة. ولكى ندخل مقاوله اول ما نقوم بعمله هو شراء كراسه الشروط ودراستها وتحديد البنود واسعارها ,,, المهم نعرف يعنى المقاوله دى بتكلفنا اد ايه ؟؟
كراســة الشـروط والمقايســـة .
محتويات كورس محاسبة المقاولات المجانى :
نبداء فى معالجات المواضيع حسابيا واول ما يقابلنا هنا هو كراسه الشروط وهى كما نعلم كراسه تتضمن كل ما يتعلق بالمقاوله من كميات واصناف الى اخرة.
ولكى ندخل مقاوله اول ما نقوم بعمله هو شراء كراسه الشروط ودراستها وتحديد البنود واسعارها ,,, المهم نعرف يعنى المقاوله دى بتكلفنا اد ايه ؟؟
ومن ثم نقدم العطاء , اى عرض السعر وهو مثلا 10مليون جنيه للمقاوله ككل وتعالى نشوف المعالجه المحاسبيه لهذه الحاله وهى كراسه الشروط :
** نلاحظ من القيود انه عند رسو المناقصه علينا قفلنا 4000 ج الخاص ب ح/ م.عموميه وفتحنا مركز تكلفه جديد ( اى مشروع او مركز تكلفه ) باسم المدرسه ح / م. عمليات - الهاشم وحملنا عليه كراسه الشروط4000ج كاول بند مصروفات . اما اذ لم ترسو علينا المناقصه فلا نعد اى قيود اخرى واخر السنه بنقفل الكراسه مع المصاريف عادى جدا.
المقايسة التثمينية :
الاول نعرف يعنى ايه المقايسة التثمينيه ؟؟!! المقايسه يعنى بنقيس ونحدد بنود المشروع اما تثمينية يعنى ثمن البنود . باختصار احنا لما بنجيب كراسه الشروط بيكون موضح فيها العمليه وبنودها وكل حاجه من مواد وكميات ورسومات المبنى ,,, وخلافه .
احنا بناخد الحاجات دى وبندرسها بند بند وبنحط سعر الحاجات دى بند بند يعنى مثلا من خلال كراسه شروط برج الهاشم وجدنا انه برج مكون من 10 ادوار, وفى كراسه الشروط فى بند الاساس ورقاب الاعمده مثلا بيقول ان الاثاث هيكون كذا متر مكعب خرسانه ويكون نسبه الخلط ( يعنى الاسمنت والرمل والزلط والحديد ) بنسبه كذا الى كذا ,, احنا بقا بناخد البند ده ونعمل له تحليل ومن كروت التحليل هعرف هنحتاج كام طن اسمنت ورمل وحديد وسعرهم كام ,,, الخ ونحط عليه العمل والاهلاك وخلافه من باقى المصاريف وكمان هامش الربح وفى الاخر بنعرف الاساس ده هيكلفنا كام وهنحطه فى العطاء بكام .
تعالى نشوف مثال للحكايه دى وغالبا ده بيكون شغل الاداره الهندسيه بالتعاون معانا احنا كاداره ماليه ؛
بند اعمال خرسانه مسلحه وكمياته فى مشروع برج الهاشم
بعد ما عرفنا البند وكمايته وسعرناه تعالى نعرف بقا احنا حطينا السعر ده ازاى من خلال كروت التحليل ؛
كروت تحليل بند 5 / 1 خرسانه بكميه 0000 ,,,,
بناء علي كروت التحليل يتم وضع السعر المناسب و الذي يظهر بالمقايسة التثمينية ففي المثال السابق بلغت تكلفة بند الخرسانة المسلحة للاساسات و رقاب الأعمدة و الحوائط مبلغ 292.96 جنيه و عليه يوضع نسبة إجمالي هامش ربح (MARK UP) و الذي يختلف من بند لآخر ففي هذا البند إجمالي هامش الربح بلغ 25% و ذلك للوصول إلى سعر البيع لهذا البند و الذي يظهر بالمقايسة التثمينية و هو مبلغ 367 جنيه
و هكذا لكل بند إلى أن نصل إلى إجمالي التكلفة مقارنة بإجمالي سعر البيع للمشروع ككل و منه نصل إلى إجمالي هامش الربح لإجمالي المشروع و لنفرض انه 17% هذه النسبة يخصم منها بعض المصروفات مثل المصروفات التمويلية و ليكن نسبتها 2% و مصروفات الموقع الغير مباشرة و ليكن 3% و تأمينات اجتماعية 2.16% و ضريبة مبيعات 2.9% و ضريبة أرباح تجارية 1% و بذلك تصبح صافي هامش الربح 5.94 % للمشروع ككل بعد أن تقوم شركة المقاولات بإعداد جميع كروت التحليل للبنود تقوم بإرسال المقايسة التثمينية موضح بها الأسعار لكل بند في ميعاد فتح المظاريف حيث يعقد اجتماع لكل شركات المقاولات التي طلبت تنفيذ هذا المشروع ليتم دراسة كل شركة لمعرفة الشركة التي ستقوم بتنفيذ المشروع . و طبعا لابد ان ترفق مع المقايسه عده اوراق منها خطاب الضمان الابتدائى ( هناخده بعد شويه ) و التامينات و الضرايب و السجل التجارى .
وبفرض ان المناقصه رست علينا اول حظوه هنعملها بعد فتح المظاريف اننا بنقفل خطاب الضمان الابتدائى و بنقدم خطاب الضمان للمالك وهو الهاشم وتعالى نشوف المعالجه لخطابات الضمان دى عامله ازاى ,,,, و هناخد المعالجه المحاسبيه ليها و انواعها وكل ما يتعلق بها ..
محتويات كورس محاسبة المقاولات المجانى :
Post A Comment: