من خلال الاسم هنعرف ان ده القائد او اللى بستدل منه و بطلع منه اسماء الحسابات اللى عندى كلها . و برضو اعرف انه على شكل شجره بمعنى انه بيبداء بعنصر رئيسى و العنصر ده ينقسم الى اتنين او اكتر فرعيين وكل واحد فرعى يقسم الى عدد من العناصر الجزئية وكده يعنى .
دليــل الحــسـابـات
محتويات كورس محاسبة المقاولات المجانى :
11.محاسبة المقاولات ...دليــل الحــسـابـاتمن خلال الاسم هنعرف ان ده القائد او اللى بستدل منه و بطلع منه اسماء الحسابات اللى عندى كلها .
و برضو اعرف انه على شكل شجره بمعنى انه بيبداء بعنصر رئيسى و العنصر ده ينقسم الى اتنين او اكتر فرعيين وكل واحد فرعى يقسم الى عدد من العناصر الجزئية وكده يعنى .
و فى الاول تعالى نعرف ايه العناصر الرئيسىه والفرعيه والجزئيه والكلام ده
هناك فقط خمسه لا غير من الحسابات الرئيسيه و دى ثابتة فى العالم كله هى :
الاصول – الخصوم – حقوق الملكيه – الايرادات – المصروفات
نفردها بقا و نشوف الفرعيات بتاعتها و الجزئية كمان
ببساطه اوى دى فكره الدليل . انى بقسم الحسابات دى لفرعيات و الفرعيات الى جزئيات و الجزئيات الى حسابات و تعالى نمسك بقا كل بند فى الدليل لوحده و نشرحه حته حته . لان الدليل يعتبر العصب و الاساس اللى بفضل شغال عليه علطوووول و هنبدا كالعاده بالاصول .
و هفترض انى شغال مثلا فى مصنع ملابس او شركه مقاولات و نشوف ايه الاصول دى.
1 – الاصول :
زى ما كلنا عارفين ان الاصول تقسم الى اصول ثابته ( اللى بستعملها فى الانتاج ) و اصول متداوله ( اللى بصرف منها على الانتاج و تساعدنى فى البيع والشراء والمخزون و كده ) .
خلى بالك ان كل بند من دول انا بفتح له حسابات باسمه .. مثلا السيارات فتحت لها سيارات نقل خفيف و تقيل وملاكى وا اتوبيسات و ممكن افتح تحت الاتوبيسات ده فرعيات تانى مثلا اتوبيسات 50 راكب ( هيكون عندى 5 اتوبيسات مثلا) وافتح لكل واحد منهم حساب او اجمعهم فى نفس الحساب عادى جدا ,, و كذلك السيارات السيدان ممكن اقسمها بالماركه اوبالموديل او ممكن مقسمهاش خالص واخليها كده ) .
دى ببساطه فكره و تعالى نشوف فكره تانى فى الاصول المتداوله ..
كده ببساطه فكره الدليل او الشجره لانها فعلا زى الشجره .. بيكون طالع فرع كبير وبيقسم الى اصغر واصغر لحد ما نوصل لورقه الشجره ( اللى هيا اسم الحساب اللى بنكتب فيه )
مثلا العملاء :
الفرع الكبير هو الاصول المتداوله – الفرع الاصغر هو العملاء – الفرع الاصغر عملاء مبيعات كذا – الورقه بقا هى اسم العميل و ده بنفتح له حساب مثلا – عميل : محمد سيد ( ورقه الشجره الاخيره )
برضو ممكن اقسم بطريقه تانى غير دى .. ازاى !!؟؟ يعنى مثلا فى خطابات الضمان بدل ما اقسمها على حسب البنوك ,, ممكن اقسمها على اساس نوع خطابات الضمان وهتكون كده
خطابات الضمان الابتدائى : خطابات بنك البلاد – الرياض – الراجحى
خطابات الضمان النهائى : خطابات بنك البلاد – الرياض – الراجحى
خطابات الدفع المقدمه : خطابات بنك البلاد – الرياض – الراجحى
اما بالنسبه للارقام اللى انا عمال اكتبها 1/1/2 و كده ف دى الترقيم او الكود بتاعها اللى بستدل بيه على اسم الحساب .
و بنفس الطريقه برقم يعنى مثلا الاصول 1 وتقسم الى ثابته 1/1 و متداوله 1/2 – و اجى اخد المتداوله تقسم الى نقد وبنوك 1/2/1 و عملاء 1/2/2 – ومن ثم اقسم العملاء الى عملاء مبيعات الاقمشه 1/2/2/1 وعملاء مبيعات الملابس 1/2/2/2 وعملاء مبيعات البطيخ 1/2/2/3 – وثم اخد عملاء مبيعات البيطيخ اقسمها على العملاء اللى عندى مثلا الحاج سيد الاقرع 1/2/2/3/1 و المعلم سيد سكينه 1/2/2/3/2 و المعلم ابو النمس 1/2/2/3/3 و افضل بقا ازود فى الرقم الاخير ده كلما زاد عندى عدد العملاء زى ما انا عاوز وكل ما الاقى عميل جديد اديلو رقم مسلل ورا اللى عندى و اكمل عادى جدا.
تعالى نعيد ونزيد تان لان دى زيتونه و اول خطوه فى الحسابات هى اعداد الدليل .
الدليل هو الشجر اللى بقيم فيها واعرف حساباتى .. يعن مثلا مثلا انا لو رحت شركه جديده ومعرفش فيها اى حاجه و لاقيت فاتوره شراء اسمنت لموقع ×× ,’آ’,.
هبص على الدليل الاقى ان الاسمنت ده داخل تحت بند اسمه مصاريف العمليات و فوق منه بند مصاريف
تعالى نشوف يعنى ايه مستوى الحساب .
عارفين ان عندنا 5 حسابات رئيسيه وكل واحد فيهم مقسم الى عده مستويات فرعيه وخلافه وتعالى نشوف ازاى التقسيمه مثلا فى بند الاصول ..
المستوى (1) اصول
- المستوى (2) اصول متداوله
- المستوى (3)خطابات ضمان
- المستوى (4) خطابات ضمان بنك ×××
- المستوى (5) خطاب ضمان بنك ×× ابتدائى مثلا
- المستوى (6) خطاب ضمان بنك ×× ابتدائى مجمع فلل ( مقدمين فيه 4 خطابات مثلا وبنفتح لكل واحد حساب مستقل )
- المستوى (7) خطاب ضمان بنك ×× ابتدائى مجمع فلل خطاب اول ( او تانى او تالت )
- المستوى (8) -
هنا لحد 7 مستويات بس وفى حسابات تانى بتحتاج اكتر وللعلم انا عندى لحد 12 رقم يعنى ممكن ادخل عندى 12 مستوى للحساب الواحد.
طيب لو عاوز اعمل نفس الحوار ده لحساب العملاء هيكون كده ...
المستوى (1) اصول
- المستوى (2) اصول متداوله
- المستوى (3)عملاء
- المستوى (4) عملاء وزارة الصحه
- المستوى (5) عملاء وزاره الصحه منطقه القاهره الكبرى
- المستوى (6) ) عملاء وزاره الصحه منطقه القاهره الكبرى مستشفى ×××× .
انا كمان ممكن اقسم تقسيم تانى غير ده لخطابات الضمان مثلا هبداء الاول من تقسيم ابتدائى او نهائى ولا دفع ولا ايه .. وبعدين اقول خطاب ضمان ابتدائى دفع بنك ايه .. يعنى هعكس شويه بس .. تقسيم مختلف .
ايه الفايده من ده ؟؟
لما ببنى دليل الحسابات ده اللى انا بشتغل عليه ( فى البرامج الجاهزه والاكسيل ) ولما بقول انا عاوز رصيد حساب الاصول كلها هيجيب الرصيد اللى فى مستوى 1 ولو قلت المتداوله يبقى اللى فى مستوى 2 ولو قلت العملاء ولا خطابات الضمان هيجيب الرصيد اللى لحد مستوى 3 ولو قلت عملاء وزاره الصحه هيجيب رصيد كل المشاريع اللى عندى تبع وزاره الصحه 4 ولو قلت عملاء وزاره الصحه منطقه الدلتا مثلا هيجيب رصيد كل العملاء اللى عندى فى الدلتا بس 5 لو قلت عملاء وزاره الصحه منطقه الدلتا مشروع ×× مستوى 6 .
- طيب لو فى شركه مقاولات لان ده كتاب مقاولات .
انا بعمل حاجه اسمها مراكو تكلفه وبربطها بالدليل ده ... لانى عملت فى الدليل مصروفات المشاريع .
و باجى اقول انا عاوز مصروفات المشاريع كلها هيدينى الرصيد ولو قلت مشروعات الصعيد بس يدينى الرصيد ولو قلت انا عاوز مصروفات الصيعد بس اللى تبع وزاره الصحه هيدينى ولو قلت عاوز مصروفات الصعيد كلها مثلا بند الاسمنت هيدينى ..
يعنى انا بصمم نظام و دليل يلبى لى كل طلباتى حاليا وفى المستقبل ..
هو ده الغرض من الدليل انى اعرف الحسابات اللى عندى و اعرف ازاى اوجه الحسابات اللى عندى زى ما قلنا بند اسمنت ولا خرسانه يبقى هحطه مع مصروفات - مصروفات العمليات – مشروع ××× ,,,, ولو خطاب ضمان يبقى اصول – اصول متداوله – خطابات ضمان .
كده فهمنا يعنى ايه دليل الحسابات ومستوى الحسابات وفرعيات الحسابات و الحسابات الرئيسيه والفرعيه وبلابلا ولا ايه الحكايه بس ؟؟؟
عموما تعالو نكمل بقا باقى الحسابات الرئيسه والفرعيه اللى فى دليل الحسابات ..
2 – الالتزامات ( الخصوم ) :
زى ما قسمنا الاصول هنعمل فى الالتزامات
برضو هنقول ان التقسيمه دى انا اللى بعملها على حسب احتياجاتى يعنى انا ممكن اقسم مثلا فى الدفعات المقدمه اللى باخدها من المشروع قبل ما اشتغل فيه على اساس البنك اللى هتنزل عليه الدفعه او على حسب المنطقه او او او ( زى ما انا احب وزى ما يريحنى ويلبى طلبات شغلى ) .
عاوز اقول كمان انى ممكن مقسمش الموردين لحسابين فرعيين ( اسفلت و مقاولات ) بس التقسيمه دى هتريحنى جدا فى انى لو عاوز اعرف فى ثانيه واحده كل الموردين اللى فى المقاولات لوحدهم ليهم كام هعرف فى ثانيه بدل ما اطلع الموردين كلهم وافضل اطرح حسابات بتاع الاسفلت و اوجع راسى .
دلوقتى هندخل فى حقوق الملكيه و الايرادات ثم المصروفات.
3 – حقوق الملكيه :
زى ما قسمنا اللى فوق شوق دى بقا
طيب نقول انى فتحت الجارى ده فى حقوق الملكيه و كمان هقسمه زى ما انا عاوز – يعنى ممكن اقسمه الى مسحوبات نقديه و مسحوبات بضائع و الراجل ده كمان بيخلى عمال يشتغله عنده فى الفيلا من نشاط المقاولات يبقى افتح له حساب فيها و ده ليه ؟؟؟؟!!؟؟ لانى لما احب اعرف او هوا يحب يعرف هوا سحب بضاعه اد ايه ,, فى ثانيه واحده اعرف . ولما يحب يعرف الفيلا بتاعته اتكلفت اد ايه ؟ اعرف فى لحظه بدل ما اجيب الجارى وافضل اضيف و اطرح وبلابلابلابلا ,,,,, .
. .
تعالى بقا نشوف ازاى هنقسم الايراد وعلى فكره تقسيم الاساسى بتاعه زى ما هقسم العملاء بالمناطق مثلا هقسم الايراد حسب العملاء بالمناطق ولو قسمتهم بوزاره كذا وكذا يبقى هقسم الايراد زيهم ... حد فهم حاجه ولا ايه الكلام ؟؟ تعالى نشوف ممكن نعمل يه ...
4 – الايرادات :
تعالى نكمل بند الايراد كده ونشوف هنعمل ايه ...
ملحوظه مكرره :: هعمل الايراد و اقسمه زى ما كنت مقسم العملاء فى الاصول المتداوله .. لو قسمت فوق بطريقه يبقى هقسم تحت بنفس الطريقه او كما تشاء والاتنين مش غلط وكمل معايا اخر حاجه.
5 – المصـروفـات :
خلينا نخش بقا على المصروفات.
على فكره طبعا مش دى الطريقه الوحيده اللى بتقسم بيها المصروفات و انما فى طرق كتيرررر اوى بس انا قلت اديلك مثال تقريبى وانت فكر بقا و طلع ابداعك الخاص و امشى على اللى يريحك ,,,
خد برضو الدليل اللى تحت ده فيه اسماء حسابات.
المصروفات : وبتاخد رقم ( 5 ) ومن تحتها حسباتها الفرعيه الكتير اوى اللى هنشوفها وانت اختار اللى يناسب طبيعه شغلك اى هتلاقى المصروفات العموميه ثابته فى الكل واللى هيتغير هو و تسويق او م عمليات و حاجات كتير وكل نوع يقسم فرعيات ( مواد – اجور – اخرى ,,,) هنحطهم تحت بعض .
وكده يبقى خلاص بس المهم انك تفهم فكره الدليل وانت لازم تعمل دليل لنفسك يعنى تحب تعمل المواد والاجور فرعى وتحتها بنودها زى م عمليات او كلهم تحت بعض مع التفرقه زى م عموميه والتسويق يعنى براحتك والدليل ده مش ثابت ولكنه ارشادى وانت اعمل اللى على مزاجك واللى يناسب طبيعه عملك .
طيب تعالى نعمل مراجعه سريعه على الدليل ....
الدليل فيه 5 حسابات رئيسيه هم
الاصول – الخصوم – حقيق ملكيه – الايرادات – المصروفات
تحت كل بند فيهم بقسمه الى اصول ثابته و متداوله ..
اخد كل واحد منهم الصابته مثلا واقسمه لحسابات
و ده اللى بيبقى الاستاذ العام وبطلع منه فرعياته مثلا
الموردين ده العام .. بطلع منه فرعياته و ليكم مثلا منطقه كذا وكذا و بطلع منهم برضو اسماء الموردين .
محتويات كورس محاسبة المقاولات المجانى :
Post A Comment: